Ehanjiswa kubo . Amaphini Abaqondisi Jikelele, Abaqondisi Abakhulu kanye naBaqondisi eHhovisi Eliyinhloko namaHhovisi Ezifunda . Othishanhloko kanye naBasebenzi bazo Izikole Zikahulumeni Ezijwayelekile . Izikole Zabafundi Abanezidingo ZezemfuEziyisipesheli . Amalungu Emigwamanda Ephethe Izikole.
Umnyango Wezemfundo WaseGauteng wenze izinhlelo eziningi zokweseka ukulethwa okusebenza ngempumelelo nakahle kwemfundo eseqophelweni eliphezulu esifundazweni. Phakathi kokunye kulezi zinto ukuhlola isimo sokulungela ukuya esikoleni.
Amalungiselelo okulungela ukuya esikoleni aqala ngo-Ephreli wonyaka owandulela unyaka omusha wezifundo ngamunye. Lolu hlelo lubandakanya ukuxhumanisa imisebenzi phakathi kwemisebenzi okuqondenwe nayo ngqo ukuze kuqinisekiswe ukulethwa kokwenziwa komsebenzi okuphelele ezikoleni ukuze kuqalwe ngokufundisa nokufunda kusukela ngosuku lokuqala lonyaka omusha wezifundo. Lolu hlelo luphelela ekuvakasheleni izindawo okwenziwa ngabaphathi abakhulu kanye nabasebenzi bomnyango emasontweni amabili okuqala okuvulwa kwezikole zikahulumeni.
Umthetho Wenqubomgomo Yezemfundo Kazwelonke 27 ka-1996.
Umthetho Wokuqhuba Ezemfundo Nokuqeqesha 98 ka-1996.
Imikhuba kanye Namazinga Kazwelonke Okuxhasa Izikole Ngemali njengoba kuchitshiyelwe.
Ukuvakasha kokuyohlola isimo kuyamenyezelwa futhi ONKE amathimba Abaphathi Besikole kanye neMikhandlu Ephethe Isikole kufanele bakulungiselele lokhu kuvakashelwa kusenesikhathi.
